ఆంధ్రభారతి - తాళ్లపాక అన్నమాచార్య కీర్తనలు - పేరు నారాయణుఁడవు బెంబాడిచేఁతలు నీవి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 138-3
సంపుటము: 2-162

తాళ్లపాక అన్నమాచార్య

రాగము: సాళంగనాట

పేరు నారాయణుఁడవు బెంబాడిచేఁతలు నీవి నోరు మూసుకున్నఁ బోదు నున్నని నీ సుద్దులు	॥పల్లవి॥
వేసులు మాకుఁ జెప్పె విన భారతముగాఁగ మోస నీపాలముచ్చిమి మొదలుగాను రాసికెక్క శుకుఁడు రవ్వగాఁ బొగడఁ జొచ్చె ఆసలఁ బరకాంతల నంటిన నీసుద్దులు	॥పేరు॥
రంతున వాల్మీకి చెప్పె రామాయణము గాను సంతగాఁ దాటకాదులఁ జంపినదెల్లా అంతకముందె నారదుఁడవి దండెమీటి చెప్పె యింతటా వేఁటాడి జీవహింసలు సేసినది	॥పేరు॥
వేడుక నజుఁడు చెప్పె వేదముగా నీవు దొల్లి వోడక మీనై కొన్నాళ్లుండితివంటా తోడనే సప్తరుషులు తొల్లియునుఁ జెప్పిరదె యీడనే శ్రీవేంకటాద్రి నిరవైతి వనుచు	॥పేరు॥