ఆంధ్రభారతి - తాళ్లపాక అన్నమాచార్య కీర్తనలు - చాటెద నిదియే సత్యము సుండో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 138-5
సంపుటము: 2-164

తాళ్లపాక అన్నమాచార్య

రాగము: రామక్రియ

చాటెద నిదియే సత్యము సుండో చేటు లేదీతని సేవించినను	॥పల్లవి॥
హరినొల్లని వారసురలు సుండో సుర లీతని దాసులు సుండో పరమాత్ముఁడితఁడె ప్రాణము సుండో మరుగక మఱచిన మఱి లేదిఁకను	॥చాటె॥
వేదరక్షకుఁడు విష్ణుఁడు సుండో సోదించె శుకుఁడచ్చుగ సుండో ఆదిబ్రహ్మగన్నాడతఁడు సుండో యేదెస వెదికిన నితఁడే ఘనుఁడు	॥చాటె॥
యిహపర మొసఁగను యీతఁడె సుండో వహి నుతించెఁ బార్వతి సుండో రహస్యమిదివో రహి శ్రీవేంక మహీధరంబున మనికై నిలిచె	॥చాటె॥