ఆంధ్రభారతి - తాళ్లపాక అన్నమాచార్య కీర్తనలు - మీరు సాక్షి మీరు సాక్షి మే మేమీ ననలేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 138-6
సంపుటము: 2-165

తాళ్లపాక అన్నమాచార్య

రాగము: కేదారగౌళ

మీరు సాక్షి మీరు సాక్షి మే మేమీ ననలేము చేరి చూడరమ్మ వీని చెల్లుబడి యమ్మా	॥పల్లవి॥
పిన్నవాఁడు నిద్ర వోఁగ పెనచి కూఁకటతోడ పన్ని లేఁగతోఁకఁగూడ బంధించి కట్టె వున్నతిఁ దొలఁగ వాని వొళ్లెల్లా దోఁగిపోయ కన్నెలార యీకృష్ణుఁ గంటిరటరమ్మా	॥మీరు॥
లేఁగల నన్నిటి నేము లేవక తొల్లె విడిచె మూఁగి ఆవులుఁబేయలు మొగిఁ గలయ అఁగి పట్టఁబోతేను అప్పుడే తా గడె వెట్టి రాఁగతనాన నున్నాఁడు రాచబలువమ్మా	॥మీరు॥
వారము నేసేమనుచు వడి నింటివార మెల్లా కూరలు పాశాలు దొంతిఁ గూడఁబెట్టితే ఆరగించ వేలుపుల అలికి పూసి కుడిపీ కూరిమి శ్రీవేంకటాద్రి గోవిందుఁ డమ్మా	॥మీరు॥