ఆంధ్రభారతి - తాళ్లపాక అన్నమాచార్య కీర్తనలు - అనరాదు వినరాదు ఆతనిమాయలు నేఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 139-2
సంపుటము: 2-167

తాళ్లపాక అన్నమాచార్య

రాగము: దేసాక్షి

అనరాదు వినరాదు ఆతనిమాయలు నేఁడు దినదిన క్రొత్తలాయ ద్రిష్టమిదే మాకు	॥పల్లవి॥
ఆడెడి బాలుల హరి అంగిలి చూపుమని తోడనే వాండ్లనోర దుమ్ములు చల్లి యీడ మాతోఁ జెప్పగాను యిందరముఁ గూడిపోయి చూడఁబోతే పంచదారై చోద్యమాయెనమ్మా	॥అన॥
తీఁటతీగెలు సొమ్మంటా దేహమునిండా గట్టె తీఁటకుఁ గాక బాలులు తెగి వాపోఁగా పాటించి యీసుద్ది విని పారితెంచి చూచితేను కోటికోటి సొమ్ములాయ కొత్తలోయమ్మా	॥అన॥
కాకిజున్ను జున్నులంటా గంపెఁడేసి తినిపించి వాకొలిపి బాలులెల్ల వాపోవఁగా ఆకడ శ్రీవేంకటేశుఁడా బాలుల కంటినీరు జోకగ ముత్యాలు సేసెఁ జూడఁగానే నేము	॥అన॥