ఆంధ్రభారతి - తాళ్లపాక అన్నమాచార్య కీర్తనలు - నిజము దెలియని మానేరమే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 139-3
సంపుటము: 2-168

తాళ్లపాక అన్నమాచార్య

రాగము: దేసాక్షి

నిజము దెలియని మానేరమే కాక భజన నీవు చేపట్టినందుఁ గడమా	॥పల్లవి॥
అంచలఁ బరుసము లోహపుఁ గాళికలనెల్ల యెంచీనా పసిఁడి గావించుఁ గాక నించిన నిన్నాతుమఁ జింతించువారి పాతకాలు మించనిచ్చేవా మేలే మెరయింతుగాక	॥నిజ॥
నలువంకరకిరణాలు మేలుగీడని తలఁగీనా యిన్నిటిలోఁ దానే కాక యిల నీదాసుఁడు జాతి నెవ్వఁడైనా నీకృపఁ జెలఁగి పావనుఁ జేసి చేకొనుఁ గాక	॥నిజ॥
పూనిన దిక్కులగాలి పొందుగ నీడాడని మానీనా లోకమెల్లా మలయుఁగాక మానక శ్రీవేంకటేశ మహిలో నీదాసులుండే- దేనెలవైనా నీకిరవేకాదా	॥నిజ॥