ఆంధ్రభారతి - తాళ్లపాక అన్నమాచార్య కీర్తనలు - నీవు జగన్నాథుఁడవు నే నొకజీవుఁడ నింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 139-4
సంపుటము: 2-169

తాళ్లపాక అన్నమాచార్య

రాగము: భైరవి

నీవు జగన్నాథుఁడవు నే నొకజీవుఁడ నింతే నీవలె ననుభవించ నే నెంతవాఁడను	॥పల్లవి॥
వైకుంఠపదమేడ వడిఁ గోర నెంతవాఁడ యీకడ నీదాసుఁడనౌ టిది చాలదా చేకొని నీసాకారచింత యేడ నేనేడ పైకొని నీడాగు మోచి బ్రదికితిఁ జాలదా	॥నీవు॥
సొంపుల నీయానందసుఖ మేడ నేనేడ పంపు శ్రీవైష్ణవసల్లాపన చాలదా నింపుల విజ్ఞాన మేడ నే దెలియ నెంతవాఁడ యింపుగా నీకథ వినుటిదియే చాలదా	॥నీవు॥
కై వల్యమందు నీతో కాణాచి యాడ నాకు శ్రీవేంకటాద్రిమీఁది సేవ చాలదా యీవల శ్రీవేంకటేశ నీ విచ్చిన విజ్ఞానమున భావించి నిన్నుఁ బొగడే భాగ్యమే చాలదా	॥నీవు॥