ఆంధ్రభారతి - తాళ్లపాక అన్నమాచార్య కీర్తనలు - అన్నిటాను హరిదాసు లధికులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 139-5
సంపుటము: 2-170

తాళ్లపాక అన్నమాచార్య

రాగము: మలహరి

అన్నిటాను హరిదాసు లధికులు కన్నులవంటివారు కమలజాదులకు	॥పల్లవి॥
అందరును సమమైతే నరుహానరుహము లేదా అందరిలో హరియైతే నౌఁ గాక బొందితో విప్రుని దెచ్చి పూజించినట్టు వేరే పొందుగాని శునకముఁ బూజించఁదగునా	॥అన్ని॥
అన్నిమతములు సరియైతేను వాసి లేదా చెన్నగుఁ బురాణాలు చెప్పుఁ గాక యెన్నఁగ సొర్ణాటంక మింతటానుఁ జెల్లినట్లు సన్నపుఁ దోలుబిళ్లలు సరిగాఁ జెల్లునా	॥అన్ని॥
గక్కునఁ బైరువిత్తఁగా గాదము మొలచినట్టు చిక్కిన కర్మములెల్లాఁ జెలఁగెఁ గాక తక్కక శ్రీవేంకటేశుదాస్య మెక్కుడైనట్టు యెక్కడా మోక్షోపాయ మిఁకఁ జెప్ప నున్నదా	॥అన్ని॥