ఆంధ్రభారతి - తాళ్లపాక అన్నమాచార్య కీర్తనలు - ఇదియే బుద్ధి నాకు నింతకంటే మఱిలేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 139-6
సంపుటము: 2-171

తాళ్లపాక అన్నమాచార్య

రాగము: ముఖారి

ఇదియే బుద్ధి నాకు నింతకంటే మఱిలేదు కదిసి నీబంటనంటే కాతువు నన్నును	॥పల్లవి॥
నేరచి నడచేనంటే నేఁ గాను స్వతంత్రుడఁను నేరమి చేసేనంటే నిండును దూరు యీరెంటికిఁ గాక నేను యిట్టె నీకు శరణంటే గారవించి వహించుక కాతువు నన్నును	॥ఇది॥
వొక్కచో నర్థ మర్జించుకుండితే జన్మాలు పెక్కు యెక్కేనంటే మోక్షము యేడో యెఱఁగ యెక్కడి సుద్దులునేల యిచ్చట నీనామము గక్కనఁ బేర్కొంటేఁ దయఁ గాతువుగా నన్నును	॥ఇది॥
తపసినయ్యేనంటేఁ జిత్తము కైవశము గాదు చపలసంసారినైతే శాంతి యుండదు ఉపమలేల శ్రీవేంకటోత్తమ నీసేవ చేసి కపటము మానితేను కాతువు నన్నును	॥ఇది॥