ఆంధ్రభారతి - తాళ్లపాక అన్నమాచార్య కీర్తనలు - ఇతరుల దూరనేల యెవ్వరూ నేమి సేతురు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 140-3
సంపుటము: 2-174

తాళ్లపాక అన్నమాచార్య

రాగము: వరాళి

ఇతరుల దూరనేల యెవ్వరూ నేమి సేతురు మతి వారూఁ దమవంటి మనుజులే కాక	॥పల్లవి॥
చేరి మేలుసేయఁ గీడుసేయ నెవ్వరు గర్తలు ధారుణిలో నరులకు దైవమే కాక సారెఁ దనవెంటవెంటఁ జనుదెంచేవారెవ్వరు బోరునఁ జేసిన పాపపుణ్యాలే కాక	॥ఇత॥
తొడఁగి పొగడించాను దూషించా ముఖ్యులెవ్వరు గుడికొన్న తనలోని గుణాలే కాక కడుఁగీర్తి నపకీర్తి గట్టెడివారెవ్వరు నడచేటి తనవర్తనములే కాక	॥ఇత॥
ఘనబంధమోక్షాలకుఁ గారణ మిఁక నెవ్వరు ననిచిన జ్ఞానాజ్ఞానములే కాక తనకు శ్రీవేంకటేశుఁ దలపించేవా రెవ్వరు కొనమొద లెఱిఁగిన గురుఁడే కాక	॥ఇత॥