ఆంధ్రభారతి - తాళ్లపాక అన్నమాచార్య కీర్తనలు - అక్కటా నే నిర్మలుఁడనయ్యే దిఁక నెన్నఁడో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 140-4
సంపుటము: 2-175

తాళ్లపాక అన్నమాచార్య

రాగము: దేసాళం

అక్కటా నే నిర్మలుఁడనయ్యే దిఁక నెన్నఁడో చక్క నన్ను దిద్దుకోనే సర్వేశ్వరా	॥పల్లవి॥
నేనే మంచివాఁడనై తే నిండుకోదా జ్ఞానము కానీలే యింకా నేమేమి గడమో కాక ఆనుక సుకృతినైతే నలవడదా విర క్తి కానరాని తప్పు లెన్నిగలవో కాక	॥అక్క॥
నామనసే చక్కనైతే నాకుఁ బ్రత్యక్షము గావా చేముంచి నేరమేమి సేసితినో కాక ఆముక మోక్షాధికారినైతే నెదురుగా రాదా కామితార్థాలు భోగించఁ గలుగఁబోలుఁ గాక	॥అక్క॥
ఔలే నామేను పవిత్రమైతే సేవ గొనవా యేలాగున్నదో నీచిత్త మెఱఁగఁ గాక యీలీల శ్రీవేంకటేశ యెదుటనే వున్నాఁడవు యేలుకొని చేపట్టి యీడేర్చవు గాక	॥అక్క॥