ఆంధ్రభారతి - తాళ్లపాక అన్నమాచార్య కీర్తనలు - ఏమని పొగడవచ్చు నిటువంటిది నీమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 141-3
సంపుటము: 2-180

తాళ్లపాక అన్నమాచార్య

రాగము: వరాళి

ఏమని పొగడవచ్చు నిటువంటిది నీమాయ కామించి బ్రహ్మాదులనుఁ గప్పీ నీమాయ	॥పల్లవి॥
బచ్చెనరూపుల పెక్కు పడెచ్చుల వేసినట్లు నిచ్చల నినుచున్నది నీమాయ తచ్చి వారివారిరతి తమతమకే తెలియ పచ్చిగా భోగింపించీ దంపతుల నీమాయ	॥ఏమ॥
మఱి తొలునాటి భోగాలు మరునాటికి నింతగా నెఱువుగాఁ దమకించీ నీమాయ విఱచరాని దుఃఖము వెస నిద్రవోయితేనే మఱపించి నవ్వించీ మహిలో నీమాయ	॥ఏమ॥
పట్టరాని జవ్వనము పరసిపోతే ముదిమి నెట్టుకొల్పి వుబ్బఁడచీ నీమాయ గట్టిగా శ్రీవేంకటేశ ఘనుఁడవైన నీదాసుల పట్టకుండాఁ జేయుము బలిసె నీమాయ	॥ఏమ॥