ఆంధ్రభారతి - తాళ్లపాక అన్నమాచార్య కీర్తనలు - ఎంత కఠినమో హృదయ మిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 141-4
సంపుటము: 2-181

తాళ్లపాక అన్నమాచార్య

రాగము: నాట

ఎంత కఠినమో హృదయ మిది చెంత ఱాతఁ జేసిరి గాఁబోలు	॥పల్లవి॥
అమరఁ బురాణములందు నరకముల- క్రమములు చదివియుఁ గలంగవు యమకింకరఘోరాకృతు లటు విని భ్రమసి యించుకా భయపడ నేను	॥ఎంత॥
మనుజుల దారుణమహితకర్మముల- అనుభవములు గని యలయను వొనర మహోగ్ర యహోరాత్రంబులు చనుచుండంగా జడియను నేను	॥ఎంత॥
కలుషరౌద్రదుఃఖముల కించుకా కలఁగను చీరికిఁ గైకొనను యెలమిని శ్రీవేంకటేశుఁడ నాపాలఁ గలిగి కాచితివి గాసిల నేను	॥ఎంత॥