ఆంధ్రభారతి - తాళ్లపాక అన్నమాచార్య కీర్తనలు - పాటెల్లా నొక్కచో నుండు భాగ్య మొక్కచో నుండు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 141-4
సంపుటము: 2-182

తాళ్లపాక అన్నమాచార్య

రాగము: రామక్రియ

పాటెల్లా నొక్కచో నుండు భాగ్య మొక్కచో నుండు యీటువెట్టి పెద్దతనా లెంచఁ బనిలేదు	॥పల్లవి॥
సరవిఁ గలకాలముఁ జదువుచుండు నొకఁడు గరిమ నీకృప నిన్నుఁ గను నొకఁడు ధరఁ బ్రయాసముతోడఁ దపము సేయు నొకఁడు శరణుచొచ్చి నీకుఁ జనవరౌ నొకఁడు	॥పాటె॥
వొక్కఁడు మోపుమోచు నొక్కఁడు గొలువుసేయు వొక్కఁడు పొగడీ త్యాగ మూరకే యందు వొక్కఁ డాచారము సేయు నొక్కఁడు మోక్షము గను యెక్కడా నీకల్పన కేమి సేయవచ్చును	॥పాటె॥
భావించనటుగాన ఫలమెల్లా నీమూలము యేవలనైనా నీవు యిచ్చితేఁ గద్దు జీవులు నిన్నెఱఁగక చీఁకటి దవ్వఁగనేల శ్రీవేంకటేశ్వర నిన్ను సేవించేదే నేరుపు	॥పాటె॥