ఆంధ్రభారతి - తాళ్లపాక అన్నమాచార్య కీర్తనలు - ననుఁ జూచి హరి నీవు నవ్వకుండేవా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 142-5
సంపుటము: 2-187

తాళ్లపాక అన్నమాచార్య

రాగము: భైరవి

ననుఁ జూచి హరి నీవు నవ్వకుండేవా పనిమాలెంత బయలుపాఁకీ నామనసు	॥పల్లవి॥
మనసుకు గోచరమా మాటలకు గోచరమా కనుఁగొన వసమా నీఘనరూపము నిను వెదకుచున్నాఁడ నీవెక్కడ నే నెక్కడ జనుఁడ నింతె యెంత సాహసము నాది	॥ననుఁ॥
వున్నచో టెఱుఁగుదునా వోయీ అంటేఁ బలికేవా యెన్ని తెలియఁ దరమా యిట్టి నీమాయ అన్నిటా నీకొలువుసేయఁ గడఁగుచున్నవాఁడ యెన్నటిపొందు నీవు నాకెంత దిట్టతనమో	॥ననుఁ॥
వాకిలి గానవచ్చునా వంచించి చొరవచ్చునా రాకపోక కబ్బునా పరమపదము శ్రీకాంతుఁడ ప్రత్యక్షమై శ్రీవేంకటాద్రి యిదె కైకొంటి నీకృప నెంత గట్టువాయతనమో	॥ననుఁ॥