సదా సకలము [1]సంపదలే తుద దెలియఁగవలెఁ దొలఁగఁగవలయు	॥సదా॥
అహర్నిశమును నాపదలే సహించిన నవి సౌఖ్యములే యిహమున నవి [2]యిందఱికిని మహిమ దెలియవలె మానఁగవలెను	॥సదా॥
దురంతము లివి దోషములే పరంపర లివి బంధములు విరసములౌ నరవిభవములౌ సిరులే మరులౌ చిరుసుఖమవును	॥సదా॥
గతి యలమేల్‌మంగ [3]నాంచారికిఁ బతియగు వేంకటపతిఁ దలఁచి రతు [4]లెఱుఁగగవలె రవణము వలెను హిత [5]మెఱుఁగఁగవలె నిదె తనకు	॥సదా॥

---

^[1] సంవదలే (పూ.ము.పా.) యతిభంగము.

^[2] యందఱికి (పూ.ము.పా.) యతిభంగము.

^[3] నాచారికి అని రేకు.

^[4][5] లెఱఁగఁగ, మెఱఁగఁగ అని రేకు. ఇదియే వారి సహజప్రయోగము.