ఆంధ్రభారతి - తాళ్లపాక అన్నమాచార్య కీర్తనలు - ఎన్నటికి జీవుఁడిఁక నీడేరేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 142-6
సంపుటము: 2-188

తాళ్లపాక అన్నమాచార్య

రాగము: లలిత

ఎన్నటికి జీవుఁడిఁక నీడేరేది పన్నుకొనేటి చింతలే బలిసీఁ గాని	॥పల్లవి॥
కలరు వివేకులు కలదిటు ధర్మము కలఁడు దైవము నేఁడు గావలెనంటే వలవని సందేహాన వట్టిజాలిఁ బొరలేటి- తలపోఁత లేమిటికో తడఁబడీఁ గాని	॥ఎన్న॥
వున్నవి వేదశాస్త్రాలు వున్నది విశ్వాసము వున్నవాఁ డాచార్యుఁడు వుపదేశించ తన్నుఁ దానే మోసపోయి తత్త్వము నిశ్చయించక మిన్నక చంచలమేలో మెరసీఁ గాని	॥ఎన్న॥
యివిగో పుణ్యనిధులు యిదిగో సంకీర్తన వివరింప వీఁడిగో శ్రీవేంకటేశుఁడు భవములచే భ్రమసి బహుసంగతులచేత యివల నామనసిప్పు డెఱిఁగీఁ గాని	॥ఎన్న॥