ఆంధ్రభారతి - తాళ్లపాక అన్నమాచార్య కీర్తనలు - ఎంత మహిమో నీది యెవ్వరి కలవిగాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 143-3
సంపుటము: 2-191

తాళ్లపాక అన్నమాచార్య

రాగము: ఆహిరి

ఎంత మహిమో నీది యెవ్వరి కలవిగాదు చింతించితే దాసులకుఁ జేపట్టుఁ గుంచమవు	॥పల్లవి॥
వూరకే నిన్నెవ్వరికి యుక్తుల సాధింపరాదు సారెకుఁ దర్కవాదాల సాధింపరాదు ఆరసి వెదకి ఉపాయముల సాధింపరాదు భారములేనియట్టి భ క్తసాధ్యుఁడవు	॥ఎంత॥
మిక్కుటపు సామర్థ్యాన మెరసి తెలియరాదు ధిక్కరించి నేర్పులఁ దెలియరాదు వెక్కసాన భూముల వెదకి తెలియరాదు మొక్కి నీకు శరణంటే ముందర నిలుతువు	॥ఎంత॥
చెలరేఁగి తపములు చేసినా నెఱఁగరాదు యిల నెన్ని చదివినా నెఱఁగరాదు నెలవై శ్రీవేంకటేశ నీదాసానుదాసులఁ గొలిచితేఁ జాలు గక్కునఁ గృపసేతువు	॥ఎంత॥