ఆంధ్రభారతి - తాళ్లపాక అన్నమాచార్య కీర్తనలు - నీవు నన్ను రక్షించితే నింద నీపైఁ బడదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 143-4
సంపుటము: 2-192

తాళ్లపాక అన్నమాచార్య

రాగము: కన్నడగౌళ

నీవు నన్ను రక్షించితే నింద నీపైఁ బడదు భావించి నన్నెట్టయినా బ్రదికించుకొనవే	॥పల్లవి॥
సంతతము నన్నెంచితే సర్వాపరాధి నేను యెంత నే వేమిచేసినా నంత కర్హుఁడ అంతటి లోకజననియైన లక్ష్మిఁ జూచి కాని అంతరాత్మ నిన్నుఁ జూచియైనా మన్నిఁ చవే	॥నీవు॥
కలవెన్నైనాఁ దప్పులు కనఁగొన నావల్ల చెలఁగి యందుకుఁ బ్రాయశ్చిత్తము లేదు లలి నాభుజము చక్రలాంఛనము చూచి కాని అల నానోరిమంత్రమైనాఁ జూచి యేలుమీ	॥నీవు॥
మతి నిన్నెఱిఁగేనంటే మదోన్మత్తుఁడ నేను గతి యేది నాకు శ్రీవేంకటగిరినాయక సతతము నీబిరుదు సారెకుఁ జూచి కాని ప్రతిలేని నీదయయైనా భావించి చేకొనవే	॥నీవు॥