ఆంధ్రభారతి - తాళ్లపాక అన్నమాచార్య కీర్తనలు - ఏమని తలఁచవచ్చు నిటువంటి నీచి త్తము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 144-1
సంపుటము: 2-194

తాళ్లపాక అన్నమాచార్య

రాగము: సాళంగనాట

ఏమని తలఁచవచ్చు నిటువంటి నీచి త్తము దీమసాన నీభావము తెలియ దెవ్వరికి	॥పల్లవి॥
రవిచంద్ర్రగ్రహ తారకములకుఁ దెరువు వివరించనున్నదా నీవే యాధారముగాక పవనునికి భువికి పదునాల్గులోకముల- కవల వేరొకచోట నాధార మున్నదా	॥ఏమ॥
తిలకింపఁ గులాచలదిగ్గజశేషాదులకు నిలువఁ జోటున్నదా నీవే యాధారము గాక నలుదిక్కులకు గగనమునకు మేఘాలకు కలది నీయాధారమే కాక వేర వున్నదా	॥ఏమ॥
అనంతబ్రహ్మాండముల కట్టే నీరూపములకు వెనకముందున్నదా నీవే యాధారముగాక వినుతి కెక్కిన శ్రీవేంకటేశ నీకు నీవే మనికైన యాధారము మఱి యెంచ నున్నదా	॥ఏమ॥