ఆంధ్రభారతి - తాళ్లపాక అన్నమాచార్య కీర్తనలు - విష్ణుఁడే యింతానని భావించుటే బుద్ధి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 144-2
సంపుటము: 2-195

తాళ్లపాక అన్నమాచార్య

రాగము: పాడి

విష్ణుఁడే యింతానని భావించుటే బుద్ధి వైష్ణవుఁడై యాచార్యసేవ సేయుటే బుద్ధి	॥పల్లవి॥
కొండవంటి తనలోని కోపము రేఁగవచ్చితే దండనే యెచ్చరి వూరకుండుటే బుద్ధి మెండుగా బరకాంతలమీఁది తమి వుట్టితేను అండుకాచందుకు భ్రమయకుండుటే బుద్ధి	॥విష్ణుఁ॥
అట్టె యెవ్వరయినా గృహారామాదులపై నాస పుట్టించితేఁ వానివెంటఁ బోనిదే బుద్ధి చుట్టపు సమ్మంధాన సోఁకితే పరబాధలు చుట్టుకోక లోనుగాక జునుఁగుటే బుద్ధి	॥విష్ణుఁ॥
తప్పదింతా దైవికమే తనవద్ద నున్నవారిఁ దప్పులు పట్టనిదే తగిన బుద్ధి యెప్పుడూ శ్రీవేంకటేశుఁ డెదలోన నున్నవాఁడు చొప్పెత్తి యాతని మూర్తి చూచుటే బుద్ధి	॥విష్ణుఁ॥