ఆంధ్రభారతి - తాళ్లపాక అన్నమాచార్య కీర్తనలు - ఇంతకంటే నే మున్నది యెంత దలపోసినాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 144-4
సంపుటము: 2-197

తాళ్లపాక అన్నమాచార్య

రాగము: భైరవి

ఇంతకంటే నే మున్నది యెంత దలపోసినాను చింతదీర నీసేవ సేయుటే కలది	॥పల్లవి॥
ఉపకారముగ దేహమొసఁగితి విటు నాకు ఉపమించి నేఁజేసే ప్రత్యుపకార మిఁక నేది యెపుడూ నీధర్మమున నిటు నీరుణస్థుఁడనై ప్రపన్నుఁడనై నేను బ్రదుకుటే కలది	॥ఇంత॥
వేవేగ వెఱ్ఱి జేయక వివేకిఁ జేసితివి యీవికి నే మారుకు మా రిచ్చే దెక్కడ నున్నది యీవల నీకుఁ గీర్తిగా నిట్టే నీయాధీనుఁడనై భావించి భయము లేక బ్రదుకుటే కలది	॥ఇంత॥
జడులలోఁ గూర్చక యాచార్యునిలోఁ (తోఁ?) గూర్చితివి నడపేటి నీసరవికి నాసరివి యేమున్నది యెడయక శ్రీవేంకటేశ నీకు బంటనై బడివాయ కిట్లా నే బ్రదుకుటే కలది	॥ఇంత॥