ఆంధ్రభారతి - తాళ్లపాక అన్నమాచార్య కీర్తనలు - వెలుపల వెదకితే వెస నాత్మఁ గనునా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 144-5
సంపుటము: 2-198

తాళ్లపాక అన్నమాచార్య

రాగము: ముఖారి

వెలుపల వెదకితే వెస నాత్మఁ గనునా పలుమారు నిదే యభ్యాసము గావలెను	॥పల్లవి॥
యిన్ని చింతలు మఱచి యింద్రియాలఁ గుదియించి పన్నివుండిన హృదయపద్మమందును యెన్న నంగుష్ఠమాత్రపు టీశ్వరుపాదాల క్రింద తన్ను నణుమాత్రముగఁ దలఁచఁగవలెను	॥వెలు॥
పలుదేహపుఁ గాళ్లఁ బరువులు వారక బలుదేహపు టింటిలోపల చొచ్చి చలివేఁడిఁ బొరలక సర్వేశుపాదాల క్రింద తలకొన్న తన్నుఁ దానె తలఁచఁగవలెను	॥వెలు॥
కైకొన్న భక్తితో నిక్కపు శరణాగతితో చేకొని విన్నపములు చేసుకొంటాను యేకాంతాన శ్రీవేంకటేశ్వరు పాదాల క్రింద దాకొని తన్నుఁ దానే తలఁచఁగవలెను	॥వెలు॥