ఆంధ్రభారతి - తాళ్లపాక అన్నమాచార్య కీర్తనలు - ఇంతేకాని తెలిసితే నెవ్వరూఁ గర్తలు గారు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 144-6
సంపుటము: 2-199

తాళ్లపాక అన్నమాచార్య

రాగము: శ్రీరాగం

ఇంతేకాని తెలిసితే నెవ్వరూఁ గర్తలు గారు బంతినే వీని కెప్పుడుఁ బ్రకృతి గారణము	॥పల్లవి॥
యివిగో గుణాలు మూఁడే యింద్రియాలఁ గూడుకొని భువిఁ బ్రాణులనెల్లాను పూఁచి పనులుగొనేవి కవిసి కర్మములై ఘనలోకాలఁ దిప్పేవి ఆవలఁ బుట్టుగులకు నప్పటిఁ దెచ్చేవి	॥ఇంతే॥
పంచభూతా లివియే పరగ జీవులకెల్లా దించరాక యెప్పుడును దేహాలయ్యేవి అంచెలఁ గంచములోఁ బదార్థములై వుండినవి తెంచరాని పాశములై తీపులఁ బెట్టేవి	॥ఇంతే॥
మనసొక్కటే జంతుల మర్మములు రేఁచేది తనుభోగములలోనఁ దనివిచ్చేది అనయము శ్రీవేంకటాధిప నీ మహి మిది నినుఁ గొల్చిన దాసుల నెరవేర్చేది	॥ఇంతే॥