ఆంధ్రభారతి - తాళ్లపాక అన్నమాచార్య కీర్తనలు - నిన్ను నమ్మి విశ్వాసము నీపై నిలుపుకొని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 145-3
సంపుటము: 2-202

తాళ్లపాక అన్నమాచార్య

రాగము: కన్నడగౌళ

నిన్ను నమ్మి విశ్వాసము నీపై నిలుపుకొని వున్నవాఁడ నిఁక వేరే ఉపాయ మేమిటికి	॥పల్లవి॥
గతియై రక్షింతువో కాక రక్షించవోయని మతిలోని సంశయము మఱి విడిచి యితరులచే ముందర నిఁక నెట్టౌదునోయని వెతతోడఁ దలఁచేటి వెఱపెల్లా విడిచి	॥నిన్ను॥
తిరమైన నీమహిమ తెలిసేవాఁడననే- గరువముతోడి వుద్యోగము విడిచి వెరవున నీరూప వెదకి కానలేననే- గరిమ నలపు నాస్తికత్వమును విడిచి	॥నిన్ను॥
ధ్రువమైన నాచేఁతకు తోడు దెచ్చుకొనేననే అవల నన్యులమీఁది యాస విడిచి వివరిం చలమేల్మంగవిభుఁడ శ్రీవేంకటేశ తవిలితి నాపుణ్యమంతయు నీకు విడిచి	॥నిన్ను॥