ఆంధ్రభారతి - తాళ్లపాక అన్నమాచార్య కీర్తనలు - భ్రమయక వుండేదే పరమార్థము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 145-4
సంపుటము: 2-203

తాళ్లపాక అన్నమాచార్య

రాగము: లలిత

భ్రమయక వుండేదే పరమార్థము నెమకితే నన్నిటాను నీవే వుండుదువు	॥పల్లవి॥
వసుధలోఁ బురుషుల వనితల రూపులు వెస మాయయంత్రపు వెరబొమ్మలు ముసరి యెండొంటికి మోహించే మోహములు అసురుసురయ్యే ఇంద్రియావేశములు	॥భ్రమ॥
తగిన తమలో చక్కఁదనాలు వయసులు పగటు రక్తమాంసాల పరిపూర్ణులు జిగి నిందుకుఁగాఁ బుట్టే చిత్తవికారములు నిగుడుచు బయలువన్నినయట్టి వురులు	॥భ్రమ॥
లలి మీరి యన్యోన్యవిలాసములు భోగములు వలవని మొయిలులేని వానజల్లు యెలమి శ్రీవేంకటేశ యివెల్లా నీదాసులకుఁ దెలిపి బ్రహ్మానందము తిరముగా నిత్తువు	॥భ్రమ॥