ఆంధ్రభారతి - తాళ్లపాక అన్నమాచార్య కీర్తనలు - దైవము తోడిదే తన తగులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 145-5
సంపుటము: 2-204

తాళ్లపాక అన్నమాచార్య

రాగము: పాడి

దైవము తోడిదే తన తగులు జీవుడిఁది యెఱిఁగితే చిక్కనీదు తగులు	॥పల్లవి॥
కన్నులఁ జూచినంతనే కలుగునుఁ దగులు మిన్నక మాటలాడితే మిగులాఁ దగులు పన్నుగా నవ్వితేను పాదుకొనుఁ దగులు యెన్నైనా నూరకుండితే నేమీ లేదు తగులు	॥దైవ॥
వీనులొగ్గి వినఁబోతే విశ్వమెల్లాఁ దగులు ఆనుక సహవాసాన నంటుకొనుఁ దగులు పూని లోకుల పొందుల పొదిగొను తగులు మోనాన నూరకుండితే మొగియదు తగులు	॥దైవ॥
కరుణించి యేమిచ్చినా గట్టియవునుఁ దగులు దొరతనాన మించితే తొడరును తగులు ధరణి శ్రీవేంకటేశుఁ దలఁచి యేకాంతాన- నిరవై వూరకుండితే నెనయదు తగులు	॥దైవ॥