ఆంధ్రభారతి - తాళ్లపాక అన్నమాచార్య కీర్తనలు - ఇందరూ జీవులే యెంచి చూచితే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 145-6
సంపుటము: 2-205

తాళ్లపాక అన్నమాచార్య

రాగము: సామంతం

ఇందరూ జీవులే యెంచి చూచితే- నందులో భావము లవియే వేరు	॥పల్లవి॥
అంతటఁ జూచిన యాహారనిద్రలు జంతురాసులకు సహజములు సంతోషంబును సాత్వికగుణమును శాంతచిత్తులకు సహజములు	॥ఇంద॥
మనసునఁగల కామక్రోధంబులు జననశీలులకు సహజములు వినయంబును ఘనవిజ్ఞానము స- జ్జనుల కెపుడును సహజములు	॥ఇంద॥
విడువని యాసలు వేవేలు చింతలు జడులకు నం(నెం ?) దును సహజములు బడి శ్రీవేంకటపతి కొలువుఁ దపము జడియని దాసుల సహజములు	॥ఇంద॥