ఆంధ్రభారతి - తాళ్లపాక అన్నమాచార్య కీర్తనలు - కలది యీమూర్తివల్ల గతి గనవలెను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 146-1
సంపుటము: 2-206

తాళ్లపాక అన్నమాచార్య

రాగము: శంకరాభరణం

కలది యీమూర్తివల్ల గతి గనవలెను యిల నిందు నమ్మకుంటే యెందు మరి లేదు	॥పల్లవి॥
కంటిమా బ్రహ్మమును వేంకటపతిఁ గనినట్టు కంటిమా అవతారాలు కతలె కాక కంటిమా హృదయములోఁ గలిగిన దైవమును కంటిమా వైకుంఠముకడవారైనాను	॥కల॥
తెలిసీనా జ్ఞానము యీదేవుని మహిమవలె తెలిసీనా వేదాలు సందేహమే కాక తెలిసీనా మాయ యిది యెంత చదివినా తెలిసీనా ముందరితెరువు వెదకితే	॥కల॥
చిక్కీనా మనసు యీశ్రీవేంకటేశ్వరువలె చిక్కీనా ధ్యానము వట్టిచింతలేకాక చిక్కీనా అనాదినుండి చిగిరించీ కాలము చిక్కీనా పెద్దలు చెప్పే జితమైన శాంతి	॥కల॥