ఆంధ్రభారతి - తాళ్లపాక అన్నమాచార్య కీర్తనలు - ఈతఁడు తారక బ్రహ్మమితఁడు మాదేవుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 146-3
సంపుటము: 2-208

తాళ్లపాక అన్నమాచార్య

రాగము: సాళంగనాట

ఈతఁడు తారక బ్రహ్మమితఁడు మాదేవుఁడు కౌతుకానఁ జెప్పే వినఁగదరే వో జనులు	॥పల్లవి॥
రాముఁడు యిందీవరశ్యాముఁడు నానాసార్వ- భౌముఁడు షోడశకళాసోముఁడు దోమటిరాక్షసులను తుత్తుమురు సేసినాఁడు కామితఫలములిచ్చి కాచినాఁడు సురల	॥ఈతఁ॥
పూర్ణుఁడు నీలమేఘవర్ణుఁడు దానమున వి- స్తీర్ణుఁడు వాహనసువర్ణుఁడు అర్ణవము దాఁటి రావణాదుల గెలిచినాఁడు నిర్ణయించి చెప్పరాదు నేఁడీతని మహిమ	॥ఈతఁ॥
వరుఁడు సీతకు పరాత్పరుఁడు కోదండదీక్షా- గురుఁడు దివ్యామోఘశరుఁ డితఁడు నిరతి శ్రీవేంకటాద్రి నెలవై యుండేటివాఁడు సరి భరతలక్షణశత్రుఘ్న సహితుఁడు	॥ఈతఁ॥