ఆంధ్రభారతి - తాళ్లపాక అన్నమాచార్య కీర్తనలు - తనలోనుండిన హరి దాఁ గొలువఁడీ దేహి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 147-3
సంపుటము: 2-213

తాళ్లపాక అన్నమాచార్య

రాగము: కేదారగౌళ

తనలోనుండిన హరి దాఁ గొలువఁడీ దేహి యెనలేక శరణంటే నితఁడే రక్షించును	॥పల్లవి॥
కోరి ముదిమి మానుపుకొనే యాస మందులంటా వూరకే చేఁదులు దిన నొడఁబడును ఆరూఢి మంత్రసిద్ధుఁడనయ్యేననే యాసలను ఘోరపుఁబాట్లకు గక్కున నొడఁబడును	॥తన॥
యిట్టె యక్షిణిఁ బంపు సేయించుకొనే యాసలను వొట్టి జీవహింసలకు నొడఁబడును దిట్టతనముఁ దా నదృశ్యము సాధించే యాస జట్టిగ భూతాలఁ బూజించఁగ నొడఁబడును	॥తన॥
చాపలపు సిరులకై శక్తిఁ గొలిచే యాసను వోపి నిందలకు నెల్లా నొడఁబడును యేపున శ్రీవేంకటేశుఁ డేలి చేపట్టినదాఁకా ఆఁపరాని యాస నెందుకైనా నొడఁబడును	॥తన॥