ఆంధ్రభారతి - తాళ్లపాక అన్నమాచార్య కీర్తనలు - ఇటువంటివెల్లా నీకే యిట్టే సెలవు సేసితి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 147-5
సంపుటము: 2-215

తాళ్లపాక అన్నమాచార్య

రాగము: రామక్రియ

ఇటువంటివెల్లా నీకే యిట్టే సెలవు సేసితి తటుకన నీవనే నిధానము చేకొంటిని	॥పల్లవి॥
కామించితి నాత్మ నిన్నుఁ గలసి భోగించుటకు వేమరుఁ గ్రోధించితి నీవిరోధులపై నేమమున లోభించితి నీమంత్రమన్యుల కియ్య ఆముకొని మోహించితి హరి నీరూపునకు	॥ఇటు॥
యెఱుకతో మదించితి యిట్టే నీదాస్యమున మఱి నిన్నొల్లని చదువు మచ్చరించితి తఱిఁ జలపట్టితి నీతప్పని భ క్తియందు వెఱవక నిన్నొల్లని విధుల నిందించితి	॥ఇటు॥
కల కర్మములెల్లా నీకైంకర్యములందు వెట్టితి బలు మమకారము నీపైఁ జేర్చితిఁ యెలిమి శ్రీవేంకటేశ యిన్నిటా నన్నేలితివి నిలిచిన కాలమెల్లా నీసేవే చేసితి	॥ఇటు॥