ఆంధ్రభారతి - తాళ్లపాక అన్నమాచార్య కీర్తనలు - ఇతఁడు రామునిబంటు యితని కెవ్వ రెదురు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 148-2
సంపుటము: 2-218

తాళ్లపాక అన్నమాచార్య

రాగము: మాళవి

ఇతఁడు రామునిబంటు యితని కెవ్వ రెదురు చతురత మెరసె నిచ్చట హనుమంతుఁడు	॥పల్లవి॥
అకాస (శ?) మంతయు నిండి యవ్వలికిఁ దోఁక చాఁచి పైకొని పాతాళానఁ బాదాలు మోపి కైకొని దశదిక్కులు కరములఁ గబళించి సాకారము చూపినాఁ డిచ్చట హనుమంతుఁడు	॥ఇతఁ॥
కొంచక సురలు రోమకూపముల విహరించ ముంచి ధ్రువమండలము మొగమై యుండ యెంచఁగ లోకములెల్లా యెడనెడ సందులుగా చంచుల మెరసినాఁ డిచ్చట హనుమంతుఁడు	॥ఇతఁ॥
గరిమ రవిచంద్రులు కర్ణకుండలములుగా ధరణి మేరువు కటితటము గాఁగా ఇరవుగా శ్రీవేంకటేశుని సేవకుఁడై బెరసె నిచ్చట నిదె పెద్ద హనుమంతుఁడు	॥ఇతఁ॥