ఆంధ్రభారతి - తాళ్లపాక అన్నమాచార్య కీర్తనలు - రాముఁడు లోకాభిరాముఁడు త్రైలోక్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 148-3
సంపుటము: 2-219

తాళ్లపాక అన్నమాచార్య

రాగము: పాడి

రాముఁడు లోకాభిరాముఁడు త్రైలోక్య- ధాముఁడు రణరంగభీముఁడు వాఁడె	॥పల్లవి॥
వరుఁడు సీతకు ఫలాధరుఁడు మహోగ్రపు- శరుఁడు రాక్షససంహరుడు వాఁడే స్థిరుఁడు సర్వగుణాకరుఁడు కోదండదీక్షా- గురుఁడు సేవకశుభకరుఁడు వాఁడే	॥రాముఁ॥
ధీరుఁడు లోకైకవీరుఁడు సకలా- ధారుఁడు భవబంధదూరుఁడు వాఁడే శూరుఁడు ధర్మవిచారుఁడు రఘువంశ- సారుఁడు బ్రహ్మసాకారుఁడు వాఁడే	॥రాముఁ॥
బలుఁడు యిన్నిటా రవికులుఁడు భావించ ని- ర్మలుఁడు నిశ్చలుఁ డవికలుఁడు వాఁడే వెలసి శ్రీవేంకటాద్రి విజనగరములోన తలకొనెఁ బుణ్యపాదతలుఁడు వాఁడే	॥రాముఁ॥