ఆంధ్రభారతి - తాళ్లపాక అన్నమాచార్య కీర్తనలు - శ్రీవేంకటేశ్వరుని సింగారము వర్ణించితే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 148-5
సంపుటము: 2-221

తాళ్లపాక అన్నమాచార్య

రాగము: రామక్రియ

శ్రీవేంకటేశ్వరుని సింగారము వర్ణించితే యే విధానఁ దలఁచినా యిన్నిటికిఁ దగును	॥పల్లవి॥
కరిరాజుఁ గాచిన చక్రమువట్టిన హస్తము కరితుండమని చెప్పఁగా నమరును వరములిచ్చేయట్టి వరదహస్తము కల్ప- తరుశాకయని పోల్పఁదగు నీకును	॥శ్రీవేం॥
జలధిఁ బుట్టిన పాంచజన్యహస్తము నీకు జలధితరఁగయని చాటవచ్చును బలుకాళింగుని తోఁకపట్టిన కటిహస్తము పొలుపై ఫణీంద్రుడని పొగడఁగఁదగును	॥శ్రీవేం॥
నలినహస్తంబుల నడుమనున్న నీయుర- మలమేలుమంగ కిరవఁదగును బలు శ్రీవేంకటగిరిపై నెలకొన్న నిన్ను- నలసి శ్రీవేంకటేశుఁ డనదగును	॥శ్రీవేం ॥