ఆంధ్రభారతి - తాళ్లపాక అన్నమాచార్య కీర్తనలు - సింగారాల మించీ నరసింహదేవుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 149-6
సంపుటము: 2-228

తాళ్లపాక అన్నమాచార్య

రాగము: సాళంగనాట

సింగారాల మించీ నరసింహదేవుఁడు చెంగటనున్నాఁడు నరసింహదేవుఁడు	॥పల్లవి॥
సురలు జయవెట్ట నసురలెల్ల మొరవెట్ట సిరితో మెలఁగీ నరసింహదేవుఁడు ధరణి వంపెట్ట బ్రతిధ్వనులు మిన్నులు ముట్ట శిరసెత్తె నవి నరసింహదేవుఁడు	॥సింగా॥
కాంచనదైత్యుఁడు దొరకాలువనెత్తురు వార చించెను గోళ్ళ నరసింహదేవుఁడు పంచలఁ బంతాలు మీరి భవనాళియేరు వార చెంచతలఁ గోరీ నరసింహదేవుఁడు	॥సింగా॥
బలిమి పైపైనెక్క ప్రహ్లాదుఁ డట్టె మొక్క చిలికీఁ గరుణ నరసింహదేవుడు అలరి శ్రీవేంకటాద్రి నహోబలముమీఁద చెలువమే చూపీ నరసింహదేవుఁడు	॥సింగా॥