ఆంధ్రభారతి - తాళ్లపాక అన్నమాచార్య కీర్తనలు - దానవారితోడి పగ ధరించరాదు మీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 150-1
సంపుటము: 2-229

తాళ్లపాక అన్నమాచార్య

రాగము: నాట

దానవారితోడి పగ ధరించరాదు మీకు కానుకిచ్చి శరణని కప్పము లియ్యరో	॥పల్లవి॥
భ్రమసి వార్ధిఁబడ్డాను పాతాళము దూరినాను సమయింపక మానఁడు శత్రులార రమణ భూమిచొచ్చిన బ్రహ్మచే వరముగొన్న తమిఁ జంపక మానఁడు దై తేయులాల	॥దాన॥
రాసి మిన్నులో దాఁగిన రాచమూకలలోనున్న కోసివేసీఁ దల లరి కుమతులాల ఆసఁ ద్రికూటమెక్కినా ఆచక్రవాళమంటినా తోసి సాధించకపోఁడు దుర్మతులాల	॥దాన॥
సతుల మాఁటుననున్నా సరి నెందెందు వోయినా రతి మెట్టక మానఁడు రాకాసులాల యితఁడు శ్రీవేంకటేశుఁ డెదురులేదితనికి గతియని మొక్కరో వో కపటులాల	॥దాన॥