ఆంధ్రభారతి - తాళ్లపాక అన్నమాచార్య కీర్తనలు - భోగించఁ బుట్టిన సొమ్ము పొంచి పరాన కేలోపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 150-2
సంపుటము: 2-230

తాళ్లపాక అన్నమాచార్య

రాగము: సాళంగం

భోగించఁ బుట్టిన సొమ్ము పొంచి పరాన కేలోపు శ్రీగురుఁడ నీవే దయసేతువు గాని	॥పల్లవి॥
యీరెండుచేతులే యిన్ని పాపాలకు నోపు వూరకే పుణ్యము సేయనోపవు గాని మారుకొ నీరెండుగాళ్లే మాపుదాఁకాఁ జుట్టనోపు యేరీతి దేవ నీగుడి కేఁగ నలసుఁ గాని	॥భోగిం॥
కన్ను లివి రెండే మిన్నుగలంతాఁ జూడనోపు ఉన్నతి నాసాగ్రదృష్టి కోపవు గాని అన్నిటా రెండుపెదవు లధరామృతాన కోపు సన్నల మోక్షముత్రోవ జపించవు గాని	॥భోగిం॥
యీవీనులు రెండే విశ్వమంతా నాలించనోపు వోవల శాస్త్రాలకైతే నోపవు గాని శ్రీవేంకటేశ నీవే చిత్తాన జ్ఞానమిచ్చితే భావించి జీవుఁడిన్నిటా బ్రదుకనోపుఁ గాని	॥భోగిం॥