ఆంధ్రభారతి - తాళ్లపాక అన్నమాచార్య కీర్తనలు - ఇట్లానే యోగలక్ష్య మెఱుఁగుకొంటే ఫలించు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 150-6
సంపుటము: 2-234

తాళ్లపాక అన్నమాచార్య

రాగము: సామంతం

ఇట్లానే యోగలక్ష్య మెఱుఁగుకొంటే ఫలించు యెట్టయినా గురువాక్య మేమరకుఁడీ	॥పల్లవి॥
కాంతఁ దలచుకొంటేనే కామోద్రేకము వుట్టు యింతలోఁ గూడెనా యేడకేడ సూత్రము చింతకాయతొక్కు చూచితేనే నోరూరు యెంతకెంతదవ్వు యేడకేడ సూత్రము	॥ఇట్లా॥
వీనుల మంచిమాటలు వింటేనే సంతోష ముబ్బు యేనిజము గనె నేడకేడ సూత్రము ఆనించితే నాలుకనే ఆరురుచులుఁ దెలిసీ యీనెపమున నేడకేడ సూత్రము	॥ఇట్లా॥
ముక్కుకొనఁ బ్రాణ ముండి ముందువెనుకకు వచ్చి యెక్కడ మోచున్న దేడకేడ సూత్రము చిక్కి శ్రీవేంకటేశుఁడు జీవుల కంతర్యామి యిక్కు వెఱిఁగితే నీడ కిదే సూత్రము	॥ఇట్లా॥