ఆంధ్రభారతి - తాళ్లపాక అన్నమాచార్య కీర్తనలు - ఆతఁడే యజమానుఁడు ఆదినారాయణుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 151-3
సంపుటము: 2-237

తాళ్లపాక అన్నమాచార్య

రాగము: ముఖారి

ఆతఁడే యజమానుఁడు ఆదినారాయణుఁడు ఆతని బంట్లము మాకు నన్నిటా నిశ్చింతము	॥పల్లవి॥
యేలికెగల బంటుకు యెక్కడిది విచారము పాలించే మగఁడుగల పడఁతి కేడ చింత కోలుముందై తండ్రిగల కొడుకు కేది తొడుసు యీలీల హరిదాసుని కెక్కడికోరికెలు	॥ఆతఁ॥
బలుదుర్గము వానికి భయ మేమిటా లేదు కలిమిగలవానికి కడమ లేదు యిల క్షేత్రవంతునికి నెందూ దరిద్రము లేదు అల శ్రీపతిబంట్లకు నలమట లేదు	॥ఆతఁ॥
పట్టిన ముద్రుంగరపుప్రధాని కెదురు లేదు కుట్టి చాతనికివారికిఁ గొంకు లేదు నెట్టిన శ్రీవేంకటాద్రినిలయు సేవకులము గుట్టుతోడ బ్రదికేము గుఱి మాకు నతఁడే	॥ఆతఁ॥