ఆంధ్రభారతి - తాళ్లపాక అన్నమాచార్య కీర్తనలు - దిక్కులు సాధించఁబూని దేవదుందుభులు మ్రోయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 151-5
సంపుటము: 2-239

తాళ్లపాక అన్నమాచార్య

రాగము: సాళంగనాట

దిక్కులు సాధించఁబూని దేవదుందుభులు మ్రోయ యెక్కువతో శ్రీవేంకటేశుఁ డెక్కెఁ దేరు	॥పల్లవి॥
పన్నిద్దరు సూరియుల బండికండ్లతేరు సన్నుతి శేషాదిదేవాసనపుఁ దేరు కన్నులపండుగైన గరుడధ్వజపుఁ దేరు యెన్నఁగ శ్రీవేంకటేశుఁ డెక్కె నిదె తేరు	॥దిక్కు॥
మించు నానా మేఘముల మేలుకట్ల తేరు చుంచులనక్షత్రాల కుచ్చుల తేరు అంచెదేవతలే బొమ్మలై వుండినట్టి తేరు యెంచఁగ శ్రీవేంకటేశుఁ డెక్కె నిదె తీరు	॥దిక్కు॥
అట్టె కిం దేడులోకము లంతరువులైన తేరు నట్టనడుమను బ్రహ్మాండపు తేరు దిట్ట యలమేల్మంగతోఁ దిరమైవుండేటి తేరు యిట్టె శ్రీవేంకటేశుఁ డెక్కె నిదె తేరు	॥దిక్కు॥