ఆంధ్రభారతి - తాళ్లపాక అన్నమాచార్య కీర్తనలు - తలఁచుకో వో మనస తగిన ద్రిష్టము లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 152-3
సంపుటము: 2-242

తాళ్లపాక అన్నమాచార్య

రాగము: సౌరాష్ట్రం

తలఁచుకో వో మనస తగిన ద్రిష్టము లివి వెలలేక తెచ్చేటి వివేకము లోధనము	॥పల్లవి॥
గాలిఁబోయేఁ మాటలు లోకములోని సుద్దులెల్లా గాలిఁ బో వెన్నఁడును శ్రీకాంతునుతులు జాలిఁబడే సేఁతలుసంసారభోగములెల్లా జాలిలేని‌వి విష్ణుని సంతతపుపూజలు	॥తలఁ॥
మాయమౌ గొన్నాళ్లకు మానుషకృత్యములెల్లా మాయముగానివి దైవికమహిమలెల్లా కాయకములే తమ కల్పితము లన్నియును కాయకము గాక నిల్చుఁ గమలాక్షు మన్నన	॥తలఁ॥
వుడివోవు రాఁగారాఁగా నున్నతకర్మఫలాలు వుడివోదు దేవునిపై నొనరు భక్తి జడియ నితరులిచ్చేసకల వరములును జడియదు శ్రీవేంకటేశ్వరుఁడిచ్చే వరము	॥తలఁ॥