ఆంధ్రభారతి - తాళ్లపాక అన్నమాచార్య కీర్తనలు - పొరి నీకును విఱిగిపోయిన దానవులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 153-1
సంపుటము: 2-246

తాళ్లపాక అన్నమాచార్య

రాగము: నాట

పొరి నీకును విఱిగిపోయిన దానవులు బిరుదులుడిగి వోడబేహారులైరి	॥పల్లవి॥
మకుటాలు దీసి జటామకుటాలు గట్టుకొని వెకలి రిపులు మునివేషులైరి మొకములను సోమపు మొకములు వెట్టుకొని అకటా కొందరు రిపు లాటవారైరి	॥పొరి॥
పేరులు విడిచి సంకుఁబేరులు మెడ వేసుక సారెకుఁ గొందరు శివసత్తులైరి బీరపుసాములు మాని పెద్దగడసాము నేర్చి తోరపుఁ బగతులెల్లా దొమ్మరులైరి	॥పొరి॥
నాదించ వెఱచి సింగినాదా లూదుకొంటాను సోదించేరటాఁ గొందరు జోగులైరి యీ దెస శ్రీవేంకటేశ యిన్నియు మాని కొందరు దాదాత నీశరణని దాసరులైరి	॥పొరి॥