ఆంధ్రభారతి - తాళ్లపాక అన్నమాచార్య కీర్తనలు - ఐనట్టయ్యీఁ గాక హరికల్పితము లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 153-2
సంపుటము: 2-247

తాళ్లపాక అన్నమాచార్య

రాగము: కాంబోది

ఐనట్టయ్యీఁ గాక హరికల్పితము లివి మానేటి వేఁటివో మానని వేవో	॥పల్లవి॥
వొక్కరు తలఁచినట్టు వొకరి తలఁపు రాదు పక్కన నందరికి బహుభావాలు అక్కట మొద లొకటి అనలుఁ గొనలు వేరు యెక్కడని తగిలేది యేమిసేసేది	॥ఐన॥
పొరుగువాని చేఁత ఆపొరుగువాఁడు మెచ్చఁడు నరుల కర్మములు నానావిధాలు గరిమ నన్నమొక్కటే కడుపుతనివి వేరు కరుణించౌనన నేవి కావన నేవి	॥ఐన॥
కడఁగి దరిద్రునిమాట కలవాని కింపుగాదు బెడఁగు జీవుల పొందు పెక్కురీతులు కడు శ్రీవేంకటేశుఁ డొక్కఁడు జగత్తులు వేరు వొడిఁగట్టుకొనే దేది వొల్లననే దేది	॥ఐన॥