ఆంధ్రభారతి - తాళ్లపాక అన్నమాచార్య కీర్తనలు - నిండె నిన్నిచోటులను నీమహిమలే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 153-3
సంపుటము: 2-248

తాళ్లపాక అన్నమాచార్య

రాగము: నాట

నిండె నిన్నిచోటులను నీమహిమలే అండనే మొక్కేము నీకు నాదినారసింహా	॥పల్లవి॥
కూరిమి యిందిరమీఁద కోపము అసురమీఁద తారుకాణ నవ్వు దేవతలమీఁదను ఆరీతి నీకొలు విట్టే అహోబలముమీఁద నారుకొనె నీనేరుపు నారసింహా	॥నిండె॥
కరుణ ప్రహ్లాదమీఁద గన్నులు దిక్కుల మీఁద సరిచేతులు పేగుల జంధ్యాలమీఁద గరిమ నీనటనలు ఘనప్రతాపముమీఁద తిరమాయ నీకోరిక దివ్యనారసింహా	॥నిండె॥
శాంతము లోకముమీఁద శౌర్యము శత్రులమీఁద కాంతులెల్లా తనదివ్యకాయముమీఁద చింతదీర వినోదము శ్రీవేంకటాద్రిమీఁద సంతతమై నీకుఁ జెల్లె జయనారసింహా	॥నిండె॥