ఆంధ్రభారతి - తాళ్లపాక అన్నమాచార్య కీర్తనలు - మగటిమిగల హనుమంతరాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 153-5
సంపుటము: 2-250

తాళ్లపాక అన్నమాచార్య

రాగము: రామక్రియ

మగటిమిగల హనుమంతరాయ దిగువపట్టణములోని దేవ హనుమంత	॥పల్లవి॥
చక్కఁగాఁ దోఁక చాఁచి జంగవెట్టి చేచాఁచి అక్కజపు ప్రతాపపు హనుమంతుఁడా రక్కసులఁ దునుమాడి రాముని దేవులకు దిక్కై వుంగరమిచ్చిన దేవ హనుమంత	॥మగ॥
కీలుగంటు వేసుకొని కెరలి పిడికిలించి ఆలకించేవు దిక్కులు హనుమంతుఁడా నేలకు మింటికి మేను నిండఁ బెరిగి యక్షుని తీలు పడఁగొట్టినట్టి దేవ హనుమంతుఁడా	॥మగ॥
తమితోడ దాసులను తప్పక కాచేనని అమర నభయమిచ్చిన హనుమంతుఁడా జమళి శ్రీవేంకటేశు సరస వూడిగానకు తిమురుచు నుండేయట్టి దేవ హనుమంతా	॥మగ॥