ఆంధ్రభారతి - తాళ్లపాక అన్నమాచార్య కీర్తనలు - ఏమి చెప్పేదిది యీశ్వరమాయలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 153-6
సంపుటము: 2-251

తాళ్లపాక అన్నమాచార్య

రాగము: శ్రీరాగం

ఏమి చెప్పేదిది యీశ్వరమాయలు దీము ప్రతిమకును త్రిజగము గలిగె	॥పల్లవి॥
మలమూత్రంబుల మాంసపుముద్దకు కులగోత్రంబుల గుఱి గలిగె తొలులు తొమ్మిదగు తోలుఁదిత్తికిని పిలువఁగఁ బేరును బెంపునుఁ గలిగె	॥ఏమి॥
నెత్తురునెమ్ముల నీరుబుగ్గకును హత్తిన కర్మము లటు గలగె కొత్తవెంట్రుకల గుబురుల గంతికి పొత్తుల సంసారభోగము గలిగె	॥ఏమి॥
నానాముఖముల నరముల పిడుచకు పూనిన సిగ్గులు భువిఁ గలిగె ఆనుక శ్రీవేంకటాధిపుఁ డేలఁగ దీనికిఁ బ్రాణము తిరముగఁ గలిగె	॥ఏమి॥