ఆంధ్రభారతి - తాళ్లపాక అన్నమాచార్య కీర్తనలు - దేవుఁడుగలవారికి దిగులుఁ జింతయు లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 154-3
సంపుటము: 2-254

తాళ్లపాక అన్నమాచార్య

రాగము: శంకరాభరణం

దేవుఁడుగలవారికి దిగులుఁ జింతయు లేదు శ్రీవిభుఁడే అన్నిటా రక్షించుఁ గనక	॥పల్లవి॥
యేలికగల బంటుకు యేవిచారము లేదు వోలి మగఁడుగలాలికి వొప్పమి లేదు పోళిమిఁ దండ్రిగల పుత్రుని కంగద లేదు మేలుగాఁ బండిన భూమికిఁ గరవు లేదు	॥దేవుఁ॥
బలముగల రాజుకు భయమేమియు లేదు కలిమిగలవాని కక్కర లేదు యిల నాచారవంతుని కేపాపమును లేదు తలఁపు బుణ్యముగల‌ ఆతనికిఁ జేటు లేదు	॥దేవుఁ॥
గురువుగలవానికిఁ గొఱఁత యేమియు లేదు పరముగలవానికి భ్రాంతులు లేవు యిరవై శ్రీవేంకటేశుఁ డిన్నిటా మాకుఁ గలఁడు అరయ దాసులము మా కడ్డాఁకే లేదు	॥దేవుఁ॥