ఆంధ్రభారతి - తాళ్లపాక అన్నమాచార్య కీర్తనలు - కమలారమణ నీకల్పితపుమానిసిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 154-4
సంపుటము: 2-255

తాళ్లపాక అన్నమాచార్య

రాగము: కేదారగౌళ

కమలారమణ నీకల్పితపుమానిసిని తమితోడ నాదిక్కు దయఁ జూడవే	॥పల్లవి॥
ఆరీతి బ్రాహ్మణుఁడ ననుటేకాని దేహము కోరి యాచారమునకుఁ గొలుపదు పేరు వైష్ణవుఁడననే పెద్దరికమే కాని సారమైన మనసులో జ్ఞానమే లేదు	॥కమ॥
చదివితిననియెడి చలపాద మింతే కాని అదన నందులోని ‌అర్థ మెఱఁగ పదిరిసంసారమనే బహురూపమే కాని చతురుఁదనాన నందు సమర్థుఁడఁ గాను	॥కమ॥
దేవ మీభక్తుఁడననే తేజ మొకటె కాని చేవమీర నినుఁ బూజించ నేరను శ్రీవేంకటేశ నీచేతిలోనివాఁడ నేను భావించి మఱి యేపాపము నెఱఁగను	॥కమ॥