ఆంధ్రభారతి - తాళ్లపాక అన్నమాచార్య కీర్తనలు - నీచిత్తము నాభాగ్యము నే నెంతటివాఁడను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 156-1
సంపుటము: 2-263

తాళ్లపాక అన్నమాచార్య

రాగము: శంకరాభరణం

నీచిత్తము నాభాగ్యము నే నెంతటివాఁడను యేచి నీవు రక్షించేదే యెక్కుడుపుణ్య మింతే	॥పల్లవి॥
పాటించి నీభావము పట్టవశమా తలఁచి మేటి నామనసు నీకు మీఁదెత్తు టింతే నూటికైన నీనామము నుడుగఁగ వశమా మాటలు నీసెలవుగా నుట్టుపెట్టుటింతే	॥నీచి॥
వేవేలైన నీకథలు వినఁగ నాతరమా సోవగా వీనులు తావు చూపుట యింతే దేవ నీసాకారము ద్రిష్టించ నావశమా పావనముగా నందులోఁ బనిగొను టింతే	॥నీచి॥
గట్టిగా నిన్నుఁ బూజించఁ గమ్మటి నావశమా నెట్టిన నామేను నీకు నేమించు టింతే పట్టపలమేల్మంగపతివి శ్రీవేంకటేశ జట్టిగొనుకొరకు నీశరణను టింతే	॥నీచి॥