ఆంధ్రభారతి - తాళ్లపాక అన్నమాచార్య కీర్తనలు - కోటానఁగోట్లాయ కోరికెలు జన్మములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 156-4
సంపుటము: 2-266

తాళ్లపాక అన్నమాచార్య

రాగము: దేసాక్షి

కోటానఁగోట్లాయ కోరికెలు జన్మములు కూటువ గూడి రాట్నపుగుండ్ర లైనారయ్యా	॥పల్లవి॥
మిన్ను పైనున్న జీవులు మన్నుపైఁ బ్రవేశించి అన్నద్వారమున దేహము మోఁచి మున్నిటి దానఫలా లిమ్ముల భుజించి యప్పటి తిన్నని కర్మములు గాదెలఁ బోసేరయ్యా	॥కోటా॥
యిరవు మఱచి మఱి యెరవులకాఁపిరేల సురలు నరులమంటాఁ జొక్కిచొక్కి సొరిది లోకములెల్లాఁ జొచ్చి కాలగతులను పొరి నాయుష్యము గొల్చిపోయుచున్నారయ్యా	॥కోటా॥
దండగాఁగఁ దిరుమలకొండయెక్కి సుజ్ఞానులు పండిన మనసుతోడ బత్తినేసి అండనే శ్రీవేంకటేశు నలమేల్మంగనుఁ గొల్చి నిండునిధానములై నిల్చినారయ్యా	॥కోటా॥